Hsrzguk

My Sweet Killer
My Sweet Killer
Jack Rubio e Kirk Harris in na figùra dal film
Al mè dōls sasèṅ 1999
Regia: Justin Dossetti
Scritùr: Justin Dossetti • Kirk Harris
Atùr: Kirk Harris • Jack Rubio • Clifton Collins Jr. Luis Guizar • Ryan Lollis • Jonathon Chaus Art Chudabala • Stephanie Knight • Del Zamora
Müsica: Sean Abreu
Lengua: Ingléś
Dürä dal film: 78 minüt
Nasiòṅ: Stat Unî

My Sweet Killer (Al mè dōls sasèṅ) 'l è 'n thriller americàṅ dal 1999 ad Justin Dossetti ch'al 'l à anc scrit insém a Kirk Harris ch'al fà anc 'l atōr prutagunìsta.

'L è stâ girâ c'n un budget stimâ 'd sincsènt-mila dòlar.

Sunt

Charlie Cavenaugh (Kirk Harris) 'l è 'n ragàs ciucâ in dla tèsta e 'l è curâ p'r al dutōr Resner (Jonathon Chaus) dòp ch'l à masâ sò pàdar ch'l al piciàva da pìcul e ch'l iva fat fóra sò màd'r e sò surèla. Durànt al dè al lavóra in dl'ufisìna dal sgnōr Lincock (Del Zamora) faghénd al machinìsta e adès al gh'à da insgnàr al mastēr a 'n śōvan vgnû fóra da parśòṅ da pôc, Dave Buckler dit Buck (Jack Rubio).

Charlie 'l è andâ a star in dl'apartamènt dna ragàsa ch'la s è tòlta la vita tajànd-'s al véni, la Pasqua (Stephanie Knight). Ad fóra a gh'è sèmpar dū sudamericàṅ, Quote (Art Chudabala) e Jerry (Luis Guizar), ch'i gh śibìsan dla dròga e dal dóni ma lò al n è mia interesâ. Al ragàs al taca a far di insùni in dua la Pasqua la gh admànda 'd cupàr e lò al dvènta sèmpar più rabî e arvèrs.

Un dè al s mét a sigàr adrē a l'infarméra Angela (Carmen Melendez) parchè al vliva na ricèta par tōr dal madśìni par durmìr. Quànd a tórna 'l dutōr Resner, Charlie al gh diś ch'l è stâ lò a far fóra la sò famìja e ch'al 'l à sèmp'r inganâ. Dòp avér masâ i sudamericàṅ e dū infarmēr vgnû a tōr-al par purtàr-'l in clìnica, Charlie al s taja 'l véni in dla vasca da bagn.

Culegamènt estéran

• (EN) La schéda dal film in s'l IMDb
• (IT) La schéda dal film in sal sit di Film Horror